Romay Beccaría volve xuntar aos seus apadriñados políticos: Feijóo e Rajoy

Presenta este venres na Coruña o seu libro de memorias nun acto co presidente galego e o ex presidente español.

Por Europa Press / Redacción | A CORUÑA | 17/09/2020 | Actualizada ás 14:03

Comparte esta noticia

O exministro de Sanidade e exconselleiro José Manuel Romay Beccaría presentará este venres na Coruña o seu libro de memorias, nun acto no que intervirán o expresidente do Goberno, Mariano Rajoy, e o titular do Executivo galego, Alberto Núñez Feijóo.

Será nun acto na sede de Afundación, no que presentará o seu libro titulado 'José Manuel Romay Beccaría, vida e pensamento político'. Nel, repasa a súa biografía e a súa traxectoria de máis de sesenta anos dedicado á política. Nesas seis décadas, entre outros, ocupou os cargos de presidente do Consello de Estado, ministro de Sanidade, vicepresidente da Xunta, conselleiro de Sanidade e de Agricultura, deputado no Congreso e presidente da Deputación da Coruña. Foi, ademais, un dos grandes valedores políticos de Rajoy, primeiro, e de Feijóo, despois, para facerse co control do PP.

Nas máis de 500 páxinas do libro, ofrece a súa visión "sobre o independentismo catalán, analiza o pensamento político que o cativou, o liberalismo reformista, e comenta os perfís de dez personaxes públicas coas que mantivo unha relación máis estreita", explican os promotores do acto.

Romay Beccaría recibe unha medalla nunha pasada homenaxe ante Feijóo
Romay Beccaría recibe unha medalla nunha pasada homenaxe ante Feijóo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta