Ourense rexistra unha baixada de casos tras días de incrementos
Hai dez casos menos e o número de contaxiados é de 662.
Por Europa Press / Redacción | OURENSE | 14/10/2020 | Actualizada ás 13:23
Os casos activos de coronavirus Covid-19 descenderon a 562 este mércores no municipio de Ourense, o que supón dez menos que os contabilizados a xornada anterior.
Así se reflicte nos datos facilitados este mércores pola área sanitaria de Ourense, tras os 572 casos activos de Covid que Ourense presentaba en martes e os 551 rexistrados o luns. O municipio de Ourense ten a mobilidade restrinxida ao termo municipal desde o pasado xoves co fin de frear o avance da Covid-19.
A área sanitaria de Ourense, Verín e O Barco rexistra 1.605 casos activos de Covid, segundo os datos difundidos este mércores, tras sumar outros 86 positivos con PCR confirmada nas últimas 24 horas. Ata a data curáronse 3.218 persoas e realizado 74.517 PCR.
