Temas: DOAZóNS SANGUE

A Axencia de Doazón chama a doar sangue, especialmente aos grupos 0 postivo, A positivo e B positivo

As reservas destes grupos presentan niveis baixos

Por E.P. | Santiago de Compostela | 16/10/2020 | Actualizada ás 16:40

Comparte esta noticia

A Axencia de Doazón de Órganos e Sangue (ADOS) fixo un chamamento á cidadanía a doar sangue e, especialmente, aos doantes dos grupos sanguíneos 0 positivo, A positivo e B positivo.

A axencia sinala que as reservas destes grupos presentan niveis baixos, polo que resulta necesario reforzar o permanente chamamento á participación nas campañas de doazón de sangue.

ADOS convidou a todos os galegos a continuar mostrando o seu carácter solidario para incrementar o número de doazóns de sangue e que, como lembrou, os hospitais galegos necesitan mensualmente ao redor de 10.000 doazóns de sangue.

A axencia espera, de novo, contar coa positiva resposta da cidadanía ao seu chamamento solidario e para iso ofrecerá as máximas facilidades para doar, desprazando as súas unidades móbiles ao longo da xeografía galega.

Precisamente, este sábado estarán en San Sadurniño (A Coruña), en zona dos Rosales (A Coruña), en Boiro (A Coruña), Redondela (Pontevedra) e na Rúa do Paseo (Ourense).

Doazón de sangue.
Doazón de sangue.

Temas: DOAZóNS SANGUE
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta