Oito novos falecidos pola covid, seis deles en Ourense
Catro deles eran usuarios de residencias.
Por Europa Press / Redacción | SANTIAGO DE COMPOSTELA | 25/10/2020 | Actualizada ás 20:31
A morte de oito persoas diagnosticados con coronavirus nas últimas horas, cinco delas no hospital de Ourense e unha en residencias tamén desa provincia, elevaron a 868 as vítimas da pandemia en Galicia.
Segundo comunicaron as autoridades sanitarias, seis dos falecidos atopábanse en centros hospitalarios, mentres que os dous restantes estaban en residencias --un home de 87 anos na residencia Os Gozos de Pereiro de Aguiar e outro home de 75 anos na residencia DomusVi de Oleiros--.
Ademais, outros dous usuarios de residencias que estaban hospitalizados perderon a vida nas últimas horas. Trátase de dous homes, ambos de 86 anos e que se atopaban ingresados no CHUO, que procedían das residencias Nosa Señora do Viso de Lobeira e Os Gozos de Pereiro de Aguiar.
De feito, o hospital ourensán rexistrou as mortes doutros tres homes nas últimas horas de 67, 94 e 78 anos de idade, respectivamente. Ademais, unha muller de 85 pereceu no CHOP de Pontevedra. Assí as cousas, a cifra total de falecidos desde o comezo da 'nova normalidade' ascende a 249 en Galicia.
