Galicia xa supera os 10.000 casos de Covid tras outros 722 contaxios en 24 horas
A área de Vigo suma 154 e a da Coruña 153 novos casos.
- Podo saír do meu concello? E ir a un bar ou restaurante? Compróbao neste mapa interactivo
- Os familiares de casos dubidosos de COVID-19 terán que ir a clase ou ao seu posto de traballo
- Galicia aproximase ao milleiro de falecidos tras nove novas mortes este mércores
Por Europa Press / Redacción | SANTIAGO DE COMPOSTELA | 06/11/2020 | Actualizada ás 10:42
Galicia superou os 10.000 casos activos de coronavirus Covid-19 tras situarse con 10.196 este venres, despois de confirmarse por PCR nas últimas 24 horas outros 685 contaxios, deles 154 na área de Vigo e 153 na da Coruña.
Así se reflicte nos datos actualizados na mañá deste venres na web da Consellería de de Sanidade con cifras actualizadas ata as 18,00 horas deste xoves, dos que se desprende que 107 contaxios confirmados por PCR nas últimas 24 horas corresponden á área sanitaria de Lugo; 92 á de Pontevedra; 61 á de Santiago, 60 á de Ourense e 58 á de Ferrol.
Se se teñen en conta as altas rexistradas con respecto ao xoves (412 máis), o incremento de casos activos (301 máis) e as persoas falecidas (nove máis), os contaxios soben nuns 722 en Galicia, deles 685 confirmados por PCR nas últimas 24 horas.
En canto aos casos activos soben en todas as áreas sanitarias salvo nas de Ourense, onde baixan a 1.131 --21 menos que este xoves-- e na de Santiago e Barbanza, que se manteñen en 1.338 como a xornada anterior.
Por contra soben os casos activos nas áreas de Vigo ata os 2.475, o que supón 87 máis que este xoves; a 1.831 na da Coruña e Cee --94 máis--; sitúanse en 1.194 na de Pontevedra e O Salnés --57 máis--; Lugo conta con 1.109 --60 máis-- e Ferrol colócase con 1.118 --24 máis--.
Ata a data Galicia rexistrou 40.540 persoas contaxiadas por Covid-19 e 29.376 persoas curadas, o que supón 412 máis que este xoves. As PCR realizadas ascenden a 730.777, o que implica 7.865 máis que as contabilizadas ata a xornada anterior.
VÍTIMAS MORTAIS
En canto ás persoas falecidas con Covid-19 en Galicia, ascenden a 969 tras notificar a Consellería de Sanidade nove vítimas mortais na tarde deste xoves, tres delas en residencias. Esta mesma semana, o luns, rexistrouse o maior número de mortes por coronavirus nesta segunda onda da pandemia e con cifras que se remontan a principios do mes de abril.
A primeira morte computada no país na denominada 'nova normalidade' foi a dunha muller o 7 de agosto. Antes diso, Galicia encadeara case dous meses --desde o 10 de xuño-- sen decesos relacionados coa pandemia.
