Dúas persoas resultan intoxicadas pola mala combustión dun quentador de gas nun piso de Ferrol

Dúas persoas foron evacuadas a un hospital ao resultar intoxicadas pola mala combustión dun quentador nun piso da cidade de Ferrol.

Segundo informou o CIAE 112, o incidente tivo lugar na tarde deste sábado nunha vivenda da rúa de Lepanto, a onde se desprazaron os efectivos de emerxencias.

Os dous ocupantes do piso foron evacuados ao hospital Arquitecto Marcide para recibir atención médica debido a que presentaban síntomas de intoxicación provocada pola combustión defectuosa do quentador do piso.

Os bombeiros de Ferrol realizaron as medicións pertinentes na vivenda e a empresa subministradora de gas recibiu o aviso para solucionar a incidencia.

Servizo de emerxencias 112