Por Europa Press / Redacción | SANTIAGO DE COMPOSTELA | 23/12/2020 | Actualizada ás 15:35
O presidente da Xunta, Alberto Núñez Feijóo, apelou este mércores á responsabilidade indivudual dos galegos durante as celebracións do Nadal e avisou de que "o virus non vai coller vacacións".
"A responsabilidade individual debe ser fundamental, con maior intensidade nestas datas de maior interacción social", manifestou na rolda de prensa posterior á reunión do Consello.
Na súa intervención, lembrou que hai por diante varios festivos e un fin de semana. "As vacinas parece que poden empezar a chegar... e de todo o tempo que levamos nadado sería bo non afogar ao chegar á beira", pronunciou.
Por último, puxo en valor o feito de que Galicia "siga sendo" a comunidade autónoma con "menor presión hospitalaria" e con "menor ocupación de camas UCI". "E tamén estamos dentro das dúas comunidades autónomas peninsulares con menor porcentaxe de mortalidade por 100.000 habitantes", apuntou.
INDULTO A INDEPENDENTISTAS
O presidente da Xunta, Alberto Núñez Feijóo, defendeu o "enorme rigor" da fiscalía do Tribunal Supremo (TS) na súa negativa de conceder un indulto aos presos indepentistas condenados por referendo do 1-O.
Así se pronunciou ao ser preguntado polas declaracións nas que o ministro do Interior, Fernando Grande-Marlaska, evitou comentar estes indultos e afirmou que lle "gustan" os "informes técnicos-xurídicos, os de Fiscalía tamén".
"Dicir que os fiscais do Tribunal Supremo actúan con criterios políticos... se iso é así e se o ministro dixo iso, estou convencido de que o vai a rectificar nos próximos minutos", manifestou o presidente da Xunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.