Soben os falecidos por Covid con seis mortos no último día

A Consellería de Sanidade notificou na tarde deste venres, día de Nadal, outras seis vítimas mortais da covid-19, polo que o total desde o inicio da pandemia elévase a 1.369.

En concreto, tres deles faleceron na área hospitalaria de Vigo. Trátase dunha muller de 93 anos e dun home de 80, que procedía da Residencia Cesantes- Redondela, que morreron no Chuvi. Por outra banda, outro home de 80 anos faleceu en Povisa.

Un traballador sanitario totalmente protexido pecha a porta dunha ambulancia tras recoller a un ancián da residencia de anciáns de San Cibrao onde se orixinou un brote de Covid-19, en San Cibrao, Lugo, Galicia, (España), a 9 de novembro de 20. Carlos Castro - Europa Press

Tamén morreron dúas persoas no Chus da Coruña. Trátase dunha muller de 94 anos e dun home de 89 anos. Tamén faleceu unha muller de 70 anos, no Hospital da Mariña. Todos eles tiñan patoloxías previas.