Buscan a un home de 89 anos desaparecido en Vilamartín de Valdeorras
O home saíu a camiñar e desorientouse.
Por Europa Press / Redacción | OURENSE | 04/01/2021 | Actualizada ás 10:11
Efectivos da Garda Civil manteñen un operativo para tratar de localizar a un home de 89 anos desaparecido desde a tarde deste domingo en Vilamartín de Valdeorras (Ourense).
Trátase de Antonio García Fernández, un veciño do Barco que, desde o día 1, estaba a pasar uns días coa súa irmá e a súa sobriña na parroquia da Portela, en Vilamartín.
O home saíu do domicilio ao redor das 19,15 horas e, sobre as 20,00 horas, a súa familia falou por teléfono con el, momento no que lles trasladou que se atopaba desorientado. Non souberon máis desde entón.
Na procura participa o helicóptero da Garda Civil, o servizo de cans de localización, o equipo de rescate en montaña de Trives, varias patrullas, Protección Civil e drones.
