Atopan afogada nun pozo de rego a unha muller que buscaban en Sandiás

O corpo dunha muller de 82 anos de Zadagós, en Sandiás, foi atopado a primeiras horas deste domingo nun pozo de rego deste concello segundo informou o alcalde da localidade, Felipe Traveso a Galicia Confidencial.

A muller levaba desde o sábado desaparecida polo que veciños de Sandiás, o propio alcalde; varias patrullas da Garda Civil e Protección Civil da localidade comezaron un operativo de busca para dar coa muller.

Este mesmo domingo estaba previsto que se trasladara unha unidade de drones da Axega para participar no operativo.