Outras seis vítimas por COVID deixan xa 2.086 falecementos en Galicia

Cinco dos falecementos foron contabilizados o venres día 12 de febreiro mentres que este sábado día 13 de febreiro contabilizouse un falecemento no CHUO.

Por Europa Press / Redacción | SANTIAGO DE COMPOSTELA | 13/02/2021 | Actualizada ás 20:43

Comparte esta noticia

As autoridades sanitarias galegas notificaron este sábado seis novos falecementos de persoas diagnosticadas con covid-19 en Galicia, unha delas --unha muller de 93 anos que morreu no Cegadi-- procedía da Residencia San José de Arzúa. As vítimas mortais ascenden xa en Galicia a 2.086.

Segundo os datos óbitos validados e notificados por Sanidade, incorpóranse cinco vítimas mortais da pandemia á xornada deste venres 12 de febreiro: a anciá procedente da residencia San José de Arzúa, así como un home de 78 anos que morreu no Hospital do Salnés, e outro tres falecementos no Complexo Hospitalario Universitario de Santiago (CHUS) --dous homes de 89 e 82 anos, e unha muller de 56--.

Este sábado 13 de febreiro, notifícase o falecemento dun home de 88 anos no Complexo Hospitalario Universitario de Ourense (CHUO).

Todos os falecidos presentaban, segundo Sanidade, patoloxías previas.

Un cribado para detectar casos de Covid na área sanitaria de Santiago e Barbanza.. ÁREA SANITARIA DE SANTIAGO
Un cribado para detectar casos de Covid na área sanitaria de Santiago e Barbanza.. ÁREA SANITARIA DE SANTIAGO

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta