Gómez Reino desmárcase do apoio de Unidas Podemos ao préstamo de rescate ao FMI
Bildu e o BNG votaron en contra. A Cámara baixa autoriza o préstamo con votos do PSOE, PP, Vox e Unidas Podemos.
Por Europa Press / Redacción | Santiago de Compostela | 25/02/2021 | Actualizada ás 20:30
O deputado de Unidas Podemos no Congreso pola Coruña, Antón Gómez Reino, desmarcouse este xoves do apoio do seu grupo no Congreso ao préstamo de rescate que mantén España co Fondo Monetario Internacional (FMI), e que supón a renovación do acordo bilateral para complementar os recursos procedentes das cotas dos socios e dos novos acordos de préstamo.
Tanto Gómez Reino como os outros dous deputados de Unidas Podemos Alberto Rodríguez e Isabel Franco abstivéronse na votación, na que o resto de parlamentarios de Unidas Podemos votaron a favor. Non foron as únicas divisións de voto, xa que aínda que tres dos cinco deputados de Bildu votaron en contra --entre elas o seu portavoz, Mertxe Aizpurua--, os outros dous restantes abstivéronse
O Pleno do Congreso dos Deputados deu 'luz verde' este xoves ao préstamo que supón a renovación do acordo bilateral para complementar os recursos procedentes das cotas dos socios e dos novos acordos de préstamo. O acordo, remitido o pasado decembro polo Consello de Ministros ás Cortes Xerais, foi apoiado este xoves polo Pleno da Cámara Baixa tras a emisión do ditame da Comisión de Asuntos Exteriores.
Avalaron o ditame o PSOE, o PP, Vox, Unidas Podemos, Cs, o PDeCAT, UPN, Nova Canarias, Coalición Canaria, o PRC, Teruel Existe e Foro Asturias. Esquerra Republicana, Junts, Máis País-Equo e Compromís abstivéronse, mentres que EH-Bildu e o BNG votaron en contra.
