A Xunta informa de só tres novos falecidos con covid

As autoridades sanitarias informaron de tres novos falecidos en Galicia por mor da covid-19 e que elevan o total de vítimas da pandemia sanitaria na comunidade a 2.259 casos.

Dous deles rexistráronse este martes, dous homes de 80 e 79 anos que se atopaban ingresados, respectivamente, no Hospital do Salnés e no Complexo Hospitalario Universitario de Santiago.

O terceiro falecido foi un home de 91 anos que tamén se atopaba ingresado no CHUS. Os tres presentaban patoloxías previas, engaden desde Sanidade.

Un profesional sanitario prepara a padiola para baixar da ambulancia a un paciente con COVID-19 nunha imaxe de arquivo. CARLOS CASTRO - EUROPA PRESS