Expertos informátidos traballarán esta fin de semana para restarurar o sistema informático do SEPE
A situación do SEPE non afectará os dereitos dos solicitantes de prestacións, pois os prazos de solicitude das mesmas ampliaranse en tantos días como estean fose de servizo as aplicacións.
Por E.P. | MADRID | 13/03/2021 | Actualizada ás 17:45
Expertos informáticos do Centro Criptolóxico Nacional, do propio Servizo Público de Emprego Estatal (SEPE) e da Secretaría Xeral da Administración Dixital seguirán traballando este fin de semana para devolver o servizo informático do SEPE á normalidade canto antes e coa máxima seguridade tras o 'cibertaque' que sufriu o pasado martes, segundo indicaron a Europa Press en fontes do Ministerio de Traballo.
Aínda que a web do SEPE xa está aberta para consultas, non se pode utilizar a sede electrónica polo momento, co que os trámites 'en liña' non son posibles. No entanto, o propio director xeral do SEPE, Gerardo Gutiérrez, asegurou onte que "nos próximos días recuperarase a normalidade" do servizo, aínda que o máis importante é facelo coa máxima seguridade.
Gutiérrez, que lembrou que o SEPE puxo en marcha un plan polas demoras na atención á cidadanía, negou que os 'ciberatacantes' pedisen diñeiro e deixou claro que non se viron afectadas nin as aplicacións informáticas do organismo nin os datos confidenciais das persoas inscritas nas oficinas de emprego.
"Este tipo de ataques cibernéticos levan consigo que paralizan inicialmente o funcionamento, pero tamén por propia seguridade cortamos o servizo, para polo paulatinamente en marcha. Aos poucos recuperaremos a normalidade", insistiu.
A situación do SEPE non afectará os dereitos dos solicitantes de prestacións, pois os prazos de solicitude das mesmas ampliaranse en tantos días como estean fóra de servizo as aplicacións. Así mesmo, non será necesario renovar a demanda de emprego, pois dita renovación será automática ou poderá realizarse unha vez restablecido o servizo sen perda de dereitos. O servizo informático do SEPE foi infectado cun 'ransomware' o pasado martes, un software malicioso que ten a capacidade de cifrar arquivos e bloquear computadores coa idea de obter diñeiro a cambio de devolver o funcionamento normal ao sistema.
