Sanidade non comunica falecidos coa covid-19 este sábado

A Consellería de Sanidade non comunicou o falecemento de ningunha persoa diagnosticada coa covid-19 na xornada deste sábado. Deste xeito, a cifra de vítimas mortais en Galicia desde o inicio da pandemia mantense en 2.430. O venres a Consellería de Sanidade si informou de dúas mortes, rexistradas un día antes, o 10 de xuño. En concreto, tratouse de dúas mulleres de 64 e 88 anos que permanecían ingresadas en Vigo e A Coruña, respectivamente. Conforme aos datos facilitados polo departamento autonómico, ambas presentaban patoloxías previas.

Un traballador sanitario totalmente protexido nunha ambulancia | Fonte: Carlos Castro - Europa Press - Arquivo.