Bebe regresa a Galicia cun concerto na Estrada

A artista Bebe será unha das protagonistas do ciclo Solpores no Lagoeiro, que ofrece concertos durante os meses de xullo e agosto na Estrada. A cantante de Extremadura chega a Galicia coa súa xira Reconstrución 2, coa os que os seus fans poderán escoitar temas do seu disco "Cambio de piel" (2016) e temas novos que compuxo dende entón. 

Bebe, recoñecida pola súa canción protesta, naceu en Valencia, mais criouse en Extremadura. A súa vida estivo rodeada de música e o seu primeiro disco foi Pafuera telarañas, publicado no 1004. Tamén ten carreira como actriz, pois estudou arte dramático en Mérida e participou en películas como La educación de las hadas (José Luis cuerda) ou Caótica Ana (Julio Medem). Recentemente colaborou con Laura Pausini no tema "Verdade a medias". 

Agora a Estrada acollerá á artista, gañadora dun Goya e un Grammy Latino á Artista Revelación, que actuará o vindeiro 15 de xullo na Casa do Lagoeiro. Polo lugar, dentro do ciclo de concertos, xa pasaron artistas como Rosa Cedrón e David Otero e nas vindeiras semanas sumaranse Davide Salgado, La Bien Querida, Escuchando Elefantes eCafé Quijano, entre outros. 

Solpores no Lagoeiro é un ciclo que ofrece concertos que fusionan música e gastronomía ao tempo que dinamizan o entorno rural, apostando por eventos máis íntimos nos que a proximidade cobra relevancia.