Por Europa Press / Redacción | SANTIAGO DE COMPOSTELA | 28/07/2021 | Actualizada ás 18:44
A viceportavoz parlamentaria do BNG, Olalla Rodil, acusou á Xunta de "encubrir a falta de rastrexadores" co test de antíxenos que se poden adquirir nas farmacias para o autodiagnóstico do coronavirus e alertou de que a sanidade pública galega conta "con menos medios do habitual polo período estival".
Tras a presentación do novo mapa de restricións decidido polo comité clínico de Galicia para tentar frear a propagación do coronavirus, a deputada nacionalista solicitou á Xunta que reforce os medios da atención primaria e que "deixe de buscar culpables" da quinta onda de coronavirus, porque "a pandemia non é un asunto persoal", senón "un problema de saúde pública".
"O Goberno de Feijóo segue repetindo erros coma se non pasasen 15 meses de pandemia e o principal deses erros é non reforzar a sanidade pública, en particular a atención primaria, que está baixo mínimos, cun persoal exhausto e aínda máis minguado do habitual debido ás vacacións estivais", critica Olalla Rodil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.