Galicia esquivará as treboadas ata a chegada dunha fronte o domingo

A entrada dunha DANA polo oeste da Península, xunto coa presenza de aire moi húmido na contorna, ademais do quecemento diúrno da superficie propio destas datas, favorecerán a formación de chuvascos de carácter treboento, que estarán en moitos casos acompañados de refachos fortes de vento e sarabia, en amplas zonas da Península, especialmente na zona centro e interior da metade norte, estendéndose a inestabilidade a Baleares tamén na xornada do xoves, e non remitindo a inestabilidade do todo ata o domingo.

Así o explicou o portavoz da Axencia Estatal de Meteoroloxía (AEMET), Rubén do Campo, que advirte de que tanto este mércores como o xoves serán xornadas "adversas" no que a tempo se refire en España.

Con todo, os chuvascos treboentos serán menos probables en Galicia, Estremadura e suroeste andaluz, e probablemente no resto de zonas da Península vaian remitindo ao longo do día. As choivas tamén chegarán, sobre todo a partir do mediodía e primeiras horas da tarde, a Baleares. Alí, os chuvascos treboentos tamén poderían ser localmente fortes ou moi fortes.
.
Aínda así, o domingo, a chegada dunha fronte ao noroeste deixará choivas en Galicia, Asturias e noroeste de Castela e León, mentres que no resto da Península predominarán os ceos pouco nubrados, sen descartar algunha treboada pola tarde en zonas de montaña e arredores.

Con todo, as temperaturas durante o venres, sábado e domingo subirán, e poderanse superar os 34º C, xa de face ao domingo, nos vales do Tajo, no Guadalquivir e posiblemente tamén en puntos do litoral cántabro e vasco.