O BNG pide outorgar o título de fillos adoptivos da Coruña aos dous senegaleses que auxiliaron a Samuel Luiz

A formación sinala, na exposición de motivos, que ambos puxeron "en risco as súas propias vidas".

Por Europa Press / Redacción | A CORUÑA | 06/09/2021 | Actualizada ás 19:47

Comparte esta noticia

O BNG da Coruña presentará no pleno do xoves, día 9, unha moción na que proporá a concesión do título de fillos adoptivos da cidade a Ibrahima e Magatte, os dous senegaleses que auxiliaron a Samuel Luiz, falecido tras unha malleira na madrugada do 3 de xullo no paseo marítimo coruñés.

Segundo informa esta formación, na exposición de motivos, o portavoz municipal do BNG, Francisco Jorquera, remarca que o crime de Samuel "provocou unha fonda conmmoción non só na Coruña, senón tamén no conxunto de Galicia e do territorio do Estado español". Ademais, subliña que o comportamento de ambos "tentando frear a agresión e interporse entre Samuel e os seus agresores", reflicte que actuaron "con enorme coraxe". "Fixérono pondo en risco as súas propias vidas", incide.

Pleno do Concello da Coruña. ANDY PEREZ
Pleno do Concello da Coruña. ANDY PEREZ

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta