O Portamérica regresa esta fin de semana con Deluxe, Vetusta Morla ou Novedades Carminha como pratos fortes
Tamén asistirá Tropical Jesus, Jenny & The Mexicats ou Ortiga.
Por Europa Press / Redacción | PONTEVEDRA | 30/09/2021 | Actualizada ás 18:48
O festival Portamérica regresa esta fin de semana cunha edición adaptada ás esixencias actuais e na que contarán con algúns dos artistas que ao longo da súa historia pasaron polo escenario do certame.
Alí estarán Vetusta Morla, a antiga banda de Xoel López, Deluxe, e o alter ego de Carlos Sadness, Tropical Jesus, en Caldas de Reis os días 1 e 2 de outubro.
Segundo detallaron os organizadores, o evento busca reiventarse para celebrar a súa novena edición 'PortAmérica Orixe', para o que reunirá de novo a gran parte dos artistas cos que traballa e homenaxeará a proxectos que se reformularon.
Ademais, o festival modificará a súa localización, xa que se trasladará á Azucreira do municipio de Portas debido á dificultade para levar a cabo esta edición no anterior espazo por "aspectos puramente loxísticos e conxunturais" e para "primar a seguridade de todos os asistentes".
En concreto, o cartel estará conformado pola antiga banda de Xoel López, Deluxe, que se reunirá 13 anos despois do seu último concerto, e Lle Punk, que permanecía inactiva desde 2009 e subirase de novo ao escenario con motivo do festival.
Tamén participarán Vetusta Morla, Novidades Carminha e Tropical Jesus, ademais Jenny & The Mexicats, Ortiga, Eladio e os Seres Queridos, Pablo Lesuit, Furious Monkey House e A Duendeneta.
