Inditex cobrará entre 10 e 35 céntimos polas súas bolsas en España
Di que a medida ten que ver no seu avance en materia de sustentabilidade.
Por Europa Press / Redacción | MADRID | 18/10/2021 | Actualizada ás 10:16
Inditex cobrará polas súas bolsas en España a partir deste luns, unha medida que xa está implantada en Alemaña e que se estenderá progresivamente ao resto de países nos que está presente, segundo informaron a Europa Press en fontes do grupo téxtil.
En concreto, a compañía fundada por Amancio Ortega porá en marcha esta medida en todas as súas cadeas en España co cobro de dez céntimos por bolsa e 20 céntimos por sobre, con excepción das bolsas grandes de Lefties, que custarán 15 céntimos, e as de Massimo Dutti, cun prezo de 35 céntimos.
Inditex, que tamén aplicará esta iniciativa esta semana nas tendas de Austria e Bélxica, enmarca esta decisión no seu avance en materia de sustentabilidade, tras eliminar as bolsas de plástico o ano pasado e substituílas por outras de papel reciclado.
As mesmas fontes precisaron que esta medida non responde a unha redución de custos, xa que a recadación obtida polo cobro das bolsas irá destinada integramente a proxectos ambientais.
