Buscan a un home desaparecido tras saír a pescar no Grove
Atoparon o seu coche aparcado preto da praia do Carreiro, en San Vicente do Mar.
Por Europa Press / Redacción | PONTEVEDRA | 14/11/2021 | Actualizada ás 20:13
Medios de salvamento e das forzas e corpos de seguridade participan nun dispositivo para buscar a un home que desapareceu tras saír a pescar este domingo na zona de San Vicente do Mar, no Grove.
Foi a propia familia do home quen, pasadas as 16,30 horas da tarde, chamaba ao 112 Galicia para alertar do ocorrido. Ademais, indicaba que se atopou o seu coche aparcado preto da praia de O Carreiro e a cana rota nunhas rocas próximas.
Seguidamente, os xestores do 112 puxeron os feitos en coñecemento da Garda Civil, da Policía Local, de Protección Civil do Grove, de Salvamento Marítimo e de Gardacostas de Galicia.
No operativo participan a 'Salvamar Sargadelos' e o helicóptero 'Pesca I' de Gardacostas, que nas últimas horas foi relevado polo 'Helimer 402', segundo informan a Europa Press fontes de Salvamento Marítimo.
