Por Europa Press / Redacción | Madrid | 24/11/2021 | Actualizada ás 20:16
O Ministerio de Sanidade e as comunidades autónomas acordaron no seo do Consello Interterritorial do Sistema Nacional de Saúde manter a capacidade ao cento por cento en eventos deportivos que se celebren no aire libre e do oitenta por cento nos que se desenvolvan en interior, malia o incremento da incidencia acumulada das últimas semanas.
Así o anunciou a ministra de Sanidade, Carolina Darias, na rolda de prensa posterior ao Consello Interterritorial, onde explicou que tamén se prorrogou o acordo que prohibe fumar, beber e comer nestes espazos deportivos.
Iso si, Darias fixo un chamamento para que se respecte nos estadios de fútbol e baloncesto a norma que obriga a utilizar a máscara. "É obrigatorio", precisou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.