Chaman a doar sangue ante os niveis baixos de reserva de Cero e A positivo

Ao longo de toda a próxima semana as unidades do CTG visitarán máis dunha trintena de localidades.

Por Europa Press / Redacción | SANTIAGO DE COMPOSTELA | 30/12/2021 | Actualizada ás 17:05

Comparte esta noticia

O Centro de Transfusión de Galicia (CTG) fixo un chamamento a doar sangue ao presentar niveis baixos de reserva o Cero e A positivo. Pola súa banda, os grupos Cero e A negativo atópanse en niveis normais, segundo o 'Semáforo do sangue' do Centro de Transfusión de Galicia.

O CTG lembra que son necesarias unhas 500 doazóns de sangue cada día para atender as necesidades dos hospitais galegos para operacións, transplantes, transfusións e outras intervencións sanitarias. 

Sanidade chama a aumentar as doazóns de sangue. XUNTA
Sanidade chama a aumentar as doazóns de sangue. XUNTA

Por iso, a partir do próximo luns as unidades móbiles da CXT desprazaranse ás localidades coruñesas de Cariño, Ordes, Vimianzo, A Baña e Dodro; así como ás lucenses de Becerrea e A Fonsagrada. Ademais, estarán o luns na cidade de Ourense, na rúa do Paseo e no barrio de San Francisco. Ese mesmo día, acudirán na provincia de Pontevedra ás localidades de Moraña, Redondela e Arbo.

Ao longo de toda a próxima semana as unidades do CTG visitarán máis dunha trintena de localidades galegas para recoller doazóns de sangue.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta