Multan a un condutor escolar en Vilaboa por ir drogado ao volante
O home, de 49 anos, enfróntase a unha sanción de mil euros e a perda de seis puntos do carné.
Por Europa Press / Redacción | SANTIAGO DE COMPOSTELA | 24/02/2022 | Actualizada ás 14:03
A Garda Civil denunciou a un veciño de Pontevedra tras ser sorprendido no municipio de Vilaboa cando conducía unha furgoneta-taxi, en servizo de transporte escolar, baixos os supostos efectos de estupefacientes ao obter resultado positivo indiciario de drogas.
Segundo informou o Instituto Armado, a infracción detectouse este pasado mércores sobre as 14,00 horas á altura do quilómetro 5,800 da estrada N-550, no municipio de Vilaboa, cando unha patrulla do Destacamento de Tráfico da Garda Civil interceptou unha furgoneta de transporte escolar que levaba, nese momento, tres alumnos. O vehículo era conducido por un home de 49 anos que, ao ser sometido á proba de detección de drogas, obtivo resultado positivo indiciario en opiáceos e metanfetaminas.
CONDUTOR ALTERNATIVO
Ante estas circunstancias procedeuse á inmovilización provisional do vehículo ata a chegada doutro condutor alternativo, en tanto que o chofer da furgoneta foi denunciado por unha suposta infracción moi grave. De confirmarse os resultados positivos, leva unha sanción económica de mil euros e a perda de seis puntos do permiso de conducir, concretan as mesmas fontes.
