Pontevedra convértese nunha cidade de conto con motivo do Día Internacional da Narración Oral

Por E.P. | SANTIAGO DE COMPOSTELA | 15/03/2022 | Actualizada ás 13:57

Comparte esta noticia

A concelleira de Festas do Concello de Pontevedra, Carme Da Silva, presentou este martes as actividades previstas para o Día Internacional da Narración Oral, este domingo 20 de marzo, que levarán a cabo en Santa Clara e no Salón do Libro.

Trátase dunha cita cultural xa consolidada en Pontevedra cada primavera, co nome de 'Festival dos Sete Falares', segundo indicou Da Silva, nun día que "desde 1991 homenaxea ás persoas que contaban historias", levando aquela tradición ao escenario.

O Concello de Pontevedra, en colaboración co dúo de contacontos Pavís Pavós (Xacobe Rodríguez e Tareixa Alonso), elixiu este ano o Convento de Santa Clara como novo espazo para "contar historias", ao entender que este é "o escenario ideal", xa que "ao longo dos seus 750 anos pasaron moitas historias por el".

O programa está dividido en dúas partes, unha polas mañás, dirixida a un público familiar en colaboración co Salón do Libro, e outra pola tarde, no convento. As sesións matinais correrán a cargo de Raquel Queizás, Pavís Pavós, Polo Correo do Vento e Bea Campos. As vespertinas serán a partir das 19,30 horas, con Cándido Pazó e Quico Cadaval.

Quico Cadaval, contacontos e director teatral
Quico Cadaval, contacontos e director teatral

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta