Dous detidos en Galicia por vender droga a persoas dende Xapón a México

Formaban parte dunha organización composta por 14 individuos, xa detidos.

Por Europa Press / Redacción | SANTIAGO DE COMPOSTELA | 30/03/2022 | Actualizada ás 13:15

Comparte esta noticia

A Policía Nacional desarticulou unha organización criminal dedicada á venda de estupefacentes por Internet, en especial de marihuana e haxix a nivel nacional e internacional. A operación policial, realizada en Madrid, saldouse con 14 detidos, dous deles en Galicia.

Nun comunicado a prensa, a policía explicou que, como parte da operación, desmanteláronse dúas plantacións de marihuana e interviñéronse diversas sustancias estupefacentes, ademais de diñeiro en efectivo e outros elementos relacionados cos feitos. A Policía comentou que a armazón estaba formado por 27 páxinas web xestionadas pola organización. Ademais, dispuñan dun stock clandestino con outras drogas que ofrecían unicamente por teléfono ou a través de contactos persoais.

Segundo recolle o comunicado, a investigación comezou cando os axentes tiveron coñecemento da existencia dunha páxina web desde a que se podía realizar a compra de marihuana e de haxix. Tras realizar as pescudas correspondentes, púidose corroborar que, en realidade, se trataba dunha armazón formada por case unha trintena de páxinas, controladas e xestionadas pola mesma organización criminal.

As vendas producíanse tanto en diversas zonas da xeografía española como a nivel internacional en países como Portugal, Italia, Francia, Reino Unido, Finlandia, Alemaña, Xapón e México. Os axentes procederon á localización e detención de 14 persoas, dúas delas en Galicia, como presuntos autores dos delitos de pertenza a organización criminal, contra a saúde pública e defraudación do fluído eléctrico, branqueo de capitais, usurpación do estado civil e falsidade documental.

Tres deles, segundo sinalou a Policía, os máximos responsables da organización, ingresaron en prisión. A investigación continúa aberta para esclarecer todos os feitos e non se descartan novas detencións.

Arquivo - Axentes da Policía Nacional nunha imaxe de arquivo.. CNP - Arquivo
Arquivo - Axentes da Policía Nacional nunha imaxe de arquivo.. CNP - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta