Volven os disparatados monólogos de Alberte Montes

O actor e cómico galego-catalán Alberte Montes ten en marcha unha nova xira por todo o país. Montes é coñecido polas súas colaboracións coa produtora El Terrat de Buenafuente e máis recentemente co programa Tourilandia emitido pola TVG.

Cun estilo moi teatral, disparatado e retranqueiro, Montes mestura no seu espectáculo reflexións sobre a forma de ser dos galegos e comentarios sobre a actualidade máis quente. 

Por exemplo, no novo espectáculo chámase "Alberte Contador", o artista fala de "ciclismo, das sestas que bota vendo o Tour" pero tamén  "da dopaxe, a que hai no ciclismo e a que hai en San Fermín". Alberte Montes promete máis dunha hora dunha actuación "disparatada e tola". Ademais de todo isto, aborda temas que comezan a preocuparlle, como ter que lavar os pratos por debaixo se por aí non se luxan.

O acto tivo moito éxito co anuncio de "Catarrator" (Frenadol) nas redes sociais e colaborou na rodaxe da película REC 4.

O humorista actuará o xoves 12 en Vigo, no establecemento 40DSDE da Rúa Rosalía de Castro. O venres 13 estará no Amura da Coruña, o sábado 14 no Mohai do Grove e o domingo 15 n'O Batuxo de Belesar, no Saviñao.