Como transmitir o galego ás xeracións máis novas

Un curso de verán pretende coñecer e analizar condicionantes que rompen ou dificultan a transmisión interxeracional da lingua, avaliar experiencias e debater, propor e consensuar medidas de intervención que melloren a transmisión do galego.

Por Galicia Confidencial | A Coruña | 01/07/2014 | Actualizada ás 17:25

“Que podemos e debemos facer para lles transmitirmos o galego ás xeracións máis novas?”. Esta é a gran pregunta que tentarán respostar diversos especialistas nun curso de verán organizado pola Universidade da Coruña e a Coordinadora de Traballadores/as de Normalización da Lingua (CTNL) en Carballo.

Cales son os factores determinantes para a transmisión interxeracional dunha lingua; canto, cando e como se dá a ruptura da transmisión do galego; ás nosas fillas e fillos transmitímoslles o galego, mais...Son algunhas das cuestións que abordará este seminario no que participarán expertos, nais e pais, traballadoras de normalización, docentes ou xente do ámbito asociativo.

Os obxectivos principais desta acción son,s egundo apunta a CTNL nun comunicado, coñecer e analizar condicionantes que dificultan ou rompen a transmisión interxeracional da lingua galega; avaliar experiencias de intervención desenvolvidas e debater, propor e consensuar medidas de intervención práctica que melloren a transmisión da lingua ás xeracións máis novas.

Análises e propostas

Ao longo dos tres días participarán persoas expertas na temática do ámbito do galego, do catalán ou do éuscaro. O primeiro día, o mércores 9 de xullo, da conferencia inaugural encargarase o catedrático de Sociolingüística da Universitat d’Alacant Brauli Montoya, que falará sobre a contextualización e factores determinantes para a transmisión interxeracional da lingua. Despois intervirán o sociolingüista da Real Academia Galega (RAG) Xaquín Loredo e a profesora, sociolingüista e coordinadora xeral da CGENDL, Valentina Formoso. Noutra mesa intervirán Neves Arza, profesora da Universidade da Coruña; Dolores Oubiña, directora da escola infantil A Pastora de Cambados; Ana Abelenda, educadora da Galiña Azul da Laracha; e Rita Iglesias, directora da escola infantil Raiola de Santiago.

No segundo día, o xoves 10, Marta Besada, ex-técnica de normalización lingüística do Concello de Santiago de Compostela, e Adela Pita, técnica de normalización lingüística do Concello de Narón, explicarán e avaliarán intervencións levadas a cabo desde os seus concellos . O profesor e dinamizador Luís Prego presentará o obradoiro Prende no colo, para o fomento do galego a partir de xogos de dedos, cantigas, recitados..., e a dinamizadora Ruth Caramés fará o propio cun obradoiro para o coñecemento e manexo de materiais en galego para escolas infantís.

Ese día, despois dunha visita das persoas participantes ao espazo natural Razo-Baldaio, con xantar na zona, o curso continuará coa presentación dunha proposta de intervención para fomentar e mellorar a transmisión interxeracional do galego, que farán Conchi Cochón, do Concello de Pontevedra; Nel Vidal, do Concello de Carballo; Soco García, do Concello de Santiago de Compostela; e Rosa Moreiras, do Concello de Ames, e que será analizada e debatida a través de grupos de traballo, para mellorala e consensuala entre todas e todos, coa idea de poñela despois en práctica desde diversos concellos do país.

E xa o último día, o venres 9 de xullo, a sociolingüista da Universidade Pública de Navarra, Paula Kasares, explicará que si hai camiños para mellorar a transmisión interxeracional da lingua. A continuación o cantor Xabier Díaz presentará e explicará o seu obradoiro de cantos de berce para nais, pais e formadores/as e da conferencia de clausura encargarase a profesora da Universidade da Coruña e presidenta de Nova Escola Galega, Mariló Candedo.

Prezos para todos e todas

Os prezos de participación neste curso son de 30 € para estudantado, persoas desempregadas, membros da UDC e socios/as da CTNL, e de 50 € para o resto, e este prezo, ademais do curso, inclúe os xantares do mércores e xoves, e os cafés de media mañá dos tres días. Ademais, hai unha oferta de hospedaxe en Carballo para participantes no curso que vai desde os 20 € / día en cuarto individual e con almorzo incluído. Polo tanto, unha persoa de fóra de Carballo pode participar quedando a durmir na vila desde os 70 € durante todo o curso, e con cuarto, almorzo, xantar e todas as actividades formativas incluídas.

Máis información e programa completo en:

Web da CTNL: http://ctnl.org/web/notic.php?ide=1166

Web do SNL da UdC: http://www.udc.es/snl/X_curso_veran.html

4 GALEGO SI, PAPADAS NON

Na GALIZA sempre falouse GALEGO, nosos abós, nosos país, falaron galego na casa, na rua, no traballo, na taberna, na sementeira, na igrexa, quen ben agora a inventar nada, nin con FRANCO, eiqui nadie deixou de falar GALEGO, todo ó que se di, mentira, a proba está ahí, que nas fabricas, nos asteleiros falábase GALEGO, si acaso quen non falaba GALEGO, eran eses señoritos que agora queren facer SECTAS para facer NEGOCIO A CONTA DO GALEGO, FACER UN GALEGO DE 1ª Ó SEU, Ó DOS FUNCIONARIOS, Ó DOS RICOS É UN GALEGO Ó DOS PROBES DE 2ª, SINVERGOÑAS, CACOS.

3 Spidercan

Si non queres ser emigrante na tua propia terra, fala galego. Si non falas galego, si emigras, non te imos votar de menos. Porque sempre foste un emigrante. Creo que profundizando nesas frases, poderiase andar algo.

2 AMOXEGADOR

Por qué um pai ou umha mãe falegofalantes lhe falam numha língua alheia aos seus filhos? Qem tenha soluçom a este problema dará com o giz da questom.

1 GALEGO SI, PAPADAS NON

A todo isto que dirán agora cando escomenzan aparecer "algo" que vai contra ó monopolio do TOLO de Galeguizar Galicia, non se suicidará tirándose da Ponte de Rande, abaixo, ademáis con persoas cualificadas de Paises que xa teñen unha experiencia, unha preparanción, unha andaina que están consolidados, nunha palabra, acabouselles ó chollo, porque claro eiqui en CARBALLO, escomenza unha nova etapa.