Rescatan en Cangas unha persoa que navegaba nunha balsa e non conseguía chegar a terra
O seu estado era bo polo que non necesitou asistencia sanitaria.
Por E.P. | SANTIAGO DE COMPOSTELA | 29/05/2022 | Actualizada ás 20:03
Unha embarcación de Salvamento rescatou en Cangas unha persoa que navegaba nunha balsa por presentar dificultades para chegar a terra.
Segundo informa o 112, efectivos de Salvamento recolleron este domingo á vítima na ría de Aldán e levárona ata a praia de Castiñeiras. O seu estado era bo polo que non necesitou asistencia sanitaria. Ao fío das 14,00 horas deste mediodía, un particular informaba o servizo dunha persoa nunha balsa con dificultades para volver a terra, nun polígono de bateas fronte a praia de Castiñeiras.
O 112 a Salvamento Marítimo, que xa tiña constancia do suceso, e ao Servizo de Gardacostas de Galicia. Así mesmo, foron informados a Garda Civil, a Policía Local e os efectivos do Servizo Municipal de Protección Civil de Cangas.
