Bugallo cualifica as festas da Ascensión de "éxito extraordinario": "Todo fantástico"

O alcalde de Santiago, Xosé Sánchez Bugallo, congratulouse este luns do resultado das Festas da Ascensión, que resultaron un "éxito extraordinario". "As festas funcionaron moi ben, Santiago a tope... todo fantástico", dixo o rexedor, que cualificou a pasada semana de "moi intensa" e dixo que "todo o mundo está moi contento" co resultado.

Para Bugallo, todo "saíu ben" e "sen ningún incidente" a excepción da sabotaxe contra o servizo de limpeza, que "afortunadamente non tivo efectos nos cidadáns". Sobre esta sabotaxe aos camións de recollida de lixos, o alcalde dixo que existen "pistas concretas" que a Policía "prefire que non se comenten" e informou de que se localizaron tres novos colectores queimados.

O alcalde de Santiago, Xosé Sánchez Bugallo, en rolda de prensa.. CONCELLO DE SANTIAGO