"Que remedio me queda"... Acepta case oito anos de prisión por apuñalar á tía da súa exmoza e a dúas persoas máis
Acusaba a tía a a parella dela de ser os causantes da súa ruptura.
Por Europa Press / Redacción | A CORUÑA | 12/07/2022 | Actualizada ás 11:52
Un home acusado de apuñalar á tía da súa exmoza, á parella desta e a un veciño que intercedeu na liorta acepta sete anos e nove meses de prisión e o pago de 22.000 euros de indemnizacións. "Que remedio me queda", declarou o procesado durante a vista celebrada este martes na sección segunda da Audiencia Provincial da Coruña.
Os feitos, segundo o escrito fiscal, ocorreron o 19 de abril de 2021 na Rolda de Nelle da Coruña, cando o acusado se disfrazou de repartidor para logar que lle abrisen a porta do domicilio onde residían a tía da súa exmoza e a parella desta, aos que o procesado atribuía a responsabilidade pola ruptura da relación que mantivera coa súa sobriña.
Ambos resultaron feridos o pescozo por arma branca e o veciño que intercedeu na pelexa recibiu unha coitelada nunha perna.
CONDENAS
A Fiscalía vía inicialmente dous delitos de homicidio en grao de tentativa con agravante de disfrace e outro de lesións, polos que pedía 19 anos e tres meses de prisión e o pago de 15.000 euros de indemnizacións.
O acusado recoñeceu os feitos a cambio dunha rebaixa da condena e tras abonar os 15.000 euros solicitados polo que se recoñece a atenuante de reparación do dano.
O Ministerio Fiscal, as acusacións particulares e a defensa chegaron a un acordo no que rebaixaron a sete anos e nove meses a pena de cárcere, pero subiron a 22.000 euros a contía que debe abonar ás vítimas.
