Un operario sofre unha descarga eléctrica dun cable de alta tensión en Vilagarcía
Tivo queimaduras en mans e pés.
Por Europa Press / Redacción | Pontevedra | 21/07/2022 | Actualizada ás 14:29
Un operario resultou ferido este xoves tras sufrir unha descarga eléctrica dun cable de alta tensión no concello de Vilagarcía de Arousa. Segundo informou o 112 Galicia, foi un compañeiro do operario, que se atopaba montando estadas na rúa Montiño, o que deu a voz de alarma.
Para asistilo foi necesaria a intervención dos Bombeiros de Vilagarcía, que utilizaron unha autoescalera para chegar ao lugar onde se atopaba o ferido, a seis metros de altura.
O home resultou ferido con queimaduras en mans e pés e foi trasladado en ambulancia a un centro médico. No operativo participaron tamén efectivos do Servizo Municipal de Emerxencias e da Policía Local e Nacional.
