A presenza de toxinas obriga a pechar varias zonas de marisqueo na Costa da Morte

A presenza de toxinas na Costa da Morte obrigou a pechar varias zonas de extracción de moluscos, segundo a información do Instituto Tecnolóxico para o Control do Medio Mariño de Galicia (Intecmar).

En concreto, o Intecmar pechou zonas de extracción en Corme-Laxe e Camariñas desde este martes. As zonas de extracción de Corcubión-Fisterra xa permanecían pechadas desde o pasado mércores 21 de setembro.

No caso dos polígonos de bateas de Galicia, son numerosas as zonas pechadas por presenza de toxinas, entre elas en Ribeira, Sada e Cambados.

Percebeiros | Fonte: Gabriel González - Wikimedia.