Por Europa Press / Redacción | OURENSE | 04/10/2022 | Actualizada ás 19:55
A empresa adxudicataria do servizo aéreo de atención de urxencias e emerxencias sanitarias substituíu o helicóptero con base en Ourense que desde o pasado sábado 1 de outubro atopábase inoperativo.
A este respecto, segundo confirmaron fontes do 061 a Europa Press, durante este tempo, durante o tempo en que non se substituíu o helicóptero, reforzouse o servizo cunha ambulancia medicalizada con soporte vital avanzado.
A CIG denunciou este luns que o sur de Galicia quedou sen servizo de helicóptero desde o 1 de outubro, porque a empresa concesionaria non tiña unha aeronave dispoñible para substituír a que foi retirada en cumprimento das condicións do contrato.
Esta situación foi emendada pasados tres días, segundo confirmaron fontes do 061, de maneira que se recuperaron as horas de voo de orto a ocaso.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.