Xa podes votar ao Concello da Coruña para que gañe os premios europeos de servizos sociais
A partir de hoxe e ata o 28 de outubro está aberto o prazo de votación en liña para os premios. A cidadanía pode votar a candidatura do proxecto municipal no sitio web da ESSA
Por Europa Press / Redacción | SANTIAGO DE COMPOSTELA | 11/10/2022 | Actualizada ás 17:40
A votación para os premios europeos de servizos sociais nos que participa o Concello da Coruña comezou este martes, segundo informa o consistorio. No seu caso, foi seleccionado na categoría de 'Premio á Excelencia: Innovación das Cidades para o Cambio Social' pola creación da Oficina Municipal de Apoio ao Pobo Ucraíno (OMAPU).
A partir de hoxe e ata o 28 de outubro está aberto o prazo de votación en liña para os premios. A cidadanía pode votar a candidatura do proxecto municipal no sitio web da ESSA (essa-eu.org) no apartado ESSA 2022 VOTE.
É a segunda vez consecutiva que un proxecto da Concellaría de Benestar está seleccionado para estes galardóns. O ano pasado o Concello tamén quedou finalista dos premios ESSA polo traballo desenvolvido durante a pandemia. Nesta xornada, o consistorio informou tamén do concurso fotográfico para escoller o trece imaxes que formarán parte do calendario municipal de 2023.
