A Xunta remitirá axuda básica á rexión de Kurdistán en Iraq a través de Farmamundi

Por E.P. | SANTIAGO DE COMPOSTELA | 20/11/2022 | Actualizada ás 13:41

Comparte esta noticia

A Xunta activou un convenio coa ONG Farmamundi para prestar atención básica en saúde na rexión de Kurdistán, pertencente a Iraq. Unha intervención que foi dotada con 20.400 euros cos que está previsto que asistan a 9.000 persoas, a maioría mulleres e nenas.

A iniciativa ten o foco no campo de desprazados de Cham Mishko e a localidade de Bouzan. Segundo trasladou a administración autonómica, distribuiranse medicamentos esenciais, material médico e reactivos de laboratorio para fortalecer o operativo de atención primaria e garantir os servizos de saúde.

A asociación de cooperación ao desenvolvemento, acción humanitaria e de emerxencia conta coa ONG Heevie Health como social local. Ambas son as únicas entidades situadas no campo de Cham Mishko.

CASE UN MILLÓN DE EUROS

Neste contexto, a Xunta asinou convenios coa organización Farmamundi desde o ano 2009. Unha suma que ascende aos 939.044 euros cos acordos deste último ano.

Desta maneira, o obxectivo principal é poder atender ás necesidades da poboación afectada por distintas catástrofes, especialmente aos colectivos máis vulnerables. Unha axuda materializada en bens e servizos esenciais para a supervivencia.

Homenaxe ás activistas kurdas Pakize Nayir, Fatma Uyar e Sêve Demir asasinadas polo Exército turco
Homenaxe ás activistas kurdas Pakize Nayir, Fatma Uyar e Sêve Demir asasinadas polo Exército turco

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta