Santalices lembra que "o cancro de próstata é o primeiro tumor en incidencia e o terceiro en mortalidade en homes"

O presidente do Parlamento de Galicia inaugurou este martes unha xornada de concienciación sobre este tipo de cancro, coa que a Cámara retoma as actividades de concienciación e promoción da saúde

Por Europa Press / Redacción | SANTIAGO DE COMPOSTELA | 22/11/2022 | Actualizada ás 11:18

Comparte esta noticia

O presidente do Parlamento de Galicia, Miguel Santalices, inaugurou este martes unha xornada de concienciación sobre o cancro de próstata, coa que a Cámara retoma as actividades de concienciación e promoción da saúde logo do parón derivado da pandemia.

Durante a súa intervención, o presidente do Parlamento lembrou que "o cancro de próstata é o primeiro tumor en incidencia e o terceiro en mortalidade en homes", e que esta realidade contrasta co feito de que siga sendo "un gran descoñecido para gran parte da poboación". "Ao descoñecemento súmase en moitas ocasións o estigma", declarou Santalices.

Ante esta realidade, o titular da Cámara lexislativa lembrou a importancia da prevención e dixo que o Parlamento "aspira a ser un gran espello no que todas as realidades de Galicia e dos galegos sentan reflectidas, incluíndo, por suposto, todo o relacionado coa prevención, a promoción e o coidado da saúde, o ben máis prezado de calquera ser humano".

Durante a mesma xornada, o doutor Andrés Rodríguez Alonso, xefe do Servizo de Uroloxía do Complexo Universitario de Ferrol, impartiu unha conferencia sobre o cancro prostático, a súa participación neste foro e os seus dotes para a divulgación sanitaria. Na xornada tamén interveu o director xeral de Asistencia Sanitaria do Servizo Galego de Saúde, Jorge Aboal.

O presidente do Parlamento de Galicia, Miguel Santalices, nunha entrevista para a Cadea Ser.. CADEA SER
O presidente do Parlamento de Galicia, Miguel Santalices, nunha entrevista para a Cadea Ser.. CADEA SER

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta