Por Europa Press / Redacción | SANTIAGO DE COMPOSTELA | 17/12/2022 | Actualizada ás 14:04
O conselleiro de Sanidade, Julio García Comesaña, asegurou que o Servizo Galego de Saúde manterá a autocita de vacinación da cuarta dose para os menores de 60 anos.
En declaracións aos medios no Hotel Monumento San Francisco de Santiago antes de inaugurar unha xornada sobre o dano cerebral organizada por Fegadace, Comesaña sinalou que Galicia xa tiña a autocita implantada, xa que ata agora os menores de 60 que convivisen con inmunodeprimidos xa podían solicitar a vacinación da cuarta dose.
"Imos seguir nesa liña de proporcionar a autocita para aqueles que queiran facelo", reafirmou o titular de Sanidade este sábado.
Así, animou á poboación galega a que o faga e reivindicou que Galicia é a comunidade autónoma que "maior porcentaxe de vacinación ten nesta dose de reforzo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.