A calidade do sector turístico en Galicia plásmase nunha oferta "sustentable"
Por E.P. | SANTIAGO DE COMPOSTELA | 20/12/2022 | Actualizada ás 15:31
A directora de Turismo de Galicia, Nava Castro, participou este martes nunha xornada sobre as boas prácticas na xestión turística, onde puxo en valor a calidade do sector turístico galego.
Segundo destacou a Xunta, durante a súa intervención, Nava Castro puxo en valor o traballo realizado desde o sector turístico galego para que "a competitividade e a excelencia formen parte do turismo de éxito de Galicia, grazas a unha oferta sustentable e de calidade".
Neste senso, a directora de Turismo destacou o Plan territorial de sustentabilidade turística de enogastronomía de Galicia, aprobado recentemente na Conferencia Sectorial de Turismo cun investimento de máis de 34,5 millóns de euros, mediante o cal se poñen en valor os territorios vitivinícolas e se mellora a comercialización e a promoción de novos produtos turísticos vinculados á enogastronomía galega.
