Detidas cinco persoas como presuntos autores de varios roubos en comercios de Santiago

Axentes da Policía Nacional detiveron o pasado fin de semana a cinco persoas como presuntos autores de varios furtos cometidos en tendas situadas nunha área comercial da cidade de Santiago de Compostela, así como nun almacén de materiais de construción dun polígono industrial da cidade.

As primeiras detencións realizáronse en colaboración con persoal de seguridade privada dun centro comercial polo furto de numerosas pezas de roupas subtraídas nun dos seus establecementos.

Neste caso, tratábase dun grupo formado por catro persoas que roubaron numerosos efectos utilizando un vehículo estacionado no parking do establecemento como lugar para almacenar as pezas que furtaban. Cando foron localizados, recuperáronse todos os efectos roubados, que sumaban un valor de 3.000 euros.

Ese mesmo día, nun lugar próximo, a Policía detivo a unha muller nun establecemento de materiais de construción. A muller foi interceptada no parking cando pretendía abandonar o lugar con ferramentas roubadas.

Segundo trasladou a Policía nunha nota de prensa, a comisaría da capital galega incrementou a presenza de axentes en zonas comerciais de gran afluencia de público coincidindo coa tempada de rebaixas e dentro da fase de intensificación do denominado 'Plan Comercio Seguro'. Entre os seus obxectivos está a redución dos ilícitos penais que afectan o desenvolvemento deste colectivo, así como a colaboración fluída con asociacións de comerciantes e sectores da seguridade privada.

Detidas por tentar roubar nunha vivenda na que se atopaba a súa propietaria.. POLICÍA NACIONAL