Rueda reafírmase en que a moción de censura de Vox o que fai "é reforzar o Goberno en vez de criticalo"

Reiterou tamén o seu "completo respaldo" á postura de abstención adoptada polo PP

Por Europa Press / Redacción | SANTIAGO DE COMPOSTELA | 21/03/2023 | Actualizada ás 14:37

Comparte esta noticia

O presidente da Xunta, Alfonso Rueda, reafirmouse en que a moción de censura impulsada por Vox, con Ramón Tamames de candidato, contra o Goberno presidido por Pedro Sánchez, parece unha iniciativa "máis pensada en reforzar ao Goberno que en criticalo".

"Os prolegómenos destes días demostran o que nos temiamos nun principio, que o gran beneficiado desta moción de censura sería, pola súa formulación, o propio censurado", esgrimiu Rueda, en declaracións aos medios en Pontevedra, onde apuntou que Sánchez "se está fregando as mans con todo o espectáculo que vimos estes días".

Preguntado polos xornalistas no transcurso dunha visita oficial ás obras do Hospital Montecelo, Alfonso Rueda asegurou que "hai moitísimas razóns para que Sánchez fose censurado, se se fixese outro tipo de formulación" contra o Goberno que preside Pedro Sánchez.

E, neste escenario, reiterou tamén o seu "completo respaldo" á postura de abstención adoptada polo PP, con Alberto Núñez Feijóo á fronte, ante esta moción de censura. "O cal non quere dicir en ningún caso que se apoien as políticas do Goberno", engadiu.

O presidente da Xunta, Alfonso Rueda, visita as obras de ampliación do Hospital de Montecelo.. DAVID CABEZÓN @ XUNTA DE GALICIA
O presidente da Xunta, Alfonso Rueda, visita as obras de ampliación do Hospital de Montecelo.. DAVID CABEZÓN @ XUNTA DE GALICIA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta