Localizan baixo a auga a machada do suposto parricidio de Muros
O Geas foi o encargado de facer a inmersión para o rexistro.
Por Europa Press / Redacción | Santiago de Compostela | 25/04/2023 | Actualizada ás 13:23
A Garda Civil comunicou este martes que o Grupo Especial de Actividades Subacuáticas (Geas) localizou, no peirao de Esteiro, a arma --unha machada con fío metálico e mango de madeira-- que supostamente empregou o parricida de Muros para acabar coa vida do seu pai no seu domicilio de Esteiro.
O titular do Xulgado de Instrución número 1 de Muros decretou na pasada xornada o ingreso en prisión provisional, comunicada e sen fianza para este mozo de 19 anos que desde o sábado permanecía detido por suposto parricidio.
OPTOU POR NON DECLARAR
O mozo, ao que se lle imputa un delito de homicidio, foi detido o sábado tras supostamente asasinar ao seu pai de 59 anos, e pasou a disposición xudicial na tarde deste luns , pero acolleuse ao seu dereito a non declarar, segundo informaron fontes do Tribunal Superior de Xustiza de Galicia (TSXG).
FEITOS
Ao lugar do suceso acudiron unha ambulancia asistencial de soporte vital básico, así como persoal sanitario da PAC de Muros. O 061 informou posteriormente da morte violenta do home e tamén de que foi atendido un mozo de 19 anos e iniciais A.M.P., que foi dado de alta alí mesmo.
