Case 7.300 axentes velarán pola seguridade nas eleccións municipais en Galicia

O Ministerio do Interior mobilizará en Galicia a 7.294 axentes dentro do dispositivo de seguridade das eleccións municipais do próximo día 28, co obxectivo de garantir o normal desenvolvemento do proceso.

En concreto, segundo os datos facilitados desde o Goberno central, en Galicia despregaranse 4.104 axentes de Garda Civil, 2.235 axentes de Policía Nacional e 955 de Policía Local.

A nivel estatal, o Ministerio do Interior despregará no conxunto das comunidades case 99.000 axentes, o "maior dispositivo de seguridade da historia" establecido nuns comicios, cun 7% máis de efectivos que nas eleccións locais de 2019.