Decretan prisión para dous dos tres detidos pola agresión a un home en Ribeira

A vítima recibiu varios disparos e puñaladas.

Por Europa Press / Redacción | SANTIAGO DE COMPOSTELA | 24/05/2023 | Actualizada ás 16:32

Comparte esta noticia

A xuíza do xulgado de instrución número 3 de Ribeira decretou o ingreso en prisión provisional sen fianza para dúas dos detidos pola agresión contra un home de 27 anos que sufriu feridas de gravidade tras recibir disparos e varias puñaladas durante a madrugada do domingo na localidade do Barbanza.

O terceiro arrestado por estes feitos foi posto en liberdade aínda que permanece investigado por un delito de encubrimento. O tres foron detidos en Tui horas despois da agresión cando tentaban cruzar a fronteira cara a Portugal. Así as cousas, os dous arrestados que ingresaron en prisión enfróntanse a unha investigación por tentativa de homicidio, ao que se suma para un deles outro delito por tenencia ilícita de armas.

A pistola empregada contra a vítima, que se atopa hospitalizada no Hospital Clínico de Santiago aínda que fóra de perigo, foi recuperada na mañá do martes do fondo do porto de Ribeira por un equipo de submarinistas da Policía Nacional. A agresión ocorreu pasadas as 03,00 horas deste domingo na rúa Diego Delicado. En concreto, sobre as 03,20 horas o 112 Galicia recibiu a chamada dun particular que alertaba dun disparo nesta céntrica rúa do municipio do Barbanza.

Coche Policia Nacional
Coche Policia Nacional | Fonte: POLICÍA NACIONAL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta