A Xunta contrata 1.246 prazas para estancias de persoas maiores en balnearios de Galicia

A Xunta iniciou o proceso de contratación dun total de 1.246 prazas para estancias de persoas maiores en balnearios de Galicia en marco do programa 'Benestar en Balnearios 2023'. Segundo informou a Consellería de Política Social e Xuventude a través dun comunicado este sábado, a iniciativa conta cun orzamento de 732.000 euros e os balnearios teñen ata o 20 de xullo para presentar as súas propostas.

As estancias serán de dez días e nove noites con aloxamento, manutención en réxime de pensión completa e tratamentos termais. Así mesmo, as actividades serán desenvolvidas no último trimestre deste ano. De acordo co Goberno galego, o programa ten como obxectivo proporcionar "hábitos de vidas saudables, a participación activa, os coidados e as relacións entra as persoas maiores", ademais de evitar posibles situacións de illamento e de soidade non desexada.

Balneario- Siente Galicia