Dez nenos ucraínos participarán no primeiro campamento de verán da Deputación de Pontevedra

Dez nenos e nenas ucraínos de entre 9 e 11 anos participarán desde este sábado, 1 de xullo, e ata o próximo día 31 no primeiro dos dous campamentos de verán da Deputación de Pontevedra, que se pon en marcha no marco da iniciativa do Comité Europeo das Rexións e da Asociación de Cidades de Ucraína.

En concreto, trátase de sete nenas e tres nenos que proceden da cidade de Pervomaiske (con máis de 60.000 habitantes), moi próxima á zona de conflito e que xa se viu afectada pola crise de 2015.

Por iso, pasarán un mes no Centro Príncipe Felipe para descansar, compartir momentos de lecer e adquirir novos coñecementos. O grupo, que vén acompañado dun experto en traballo social, contará con servizo médico, atención psicolóxica e un servizo de tradución, para que na súa estancia poidan coñecer a cultura e o territorio da provincia de Pontevedra.

Varias persoas lanzan globos ao aire como xesto para o fin da guerra en Ucraína, na praza do Obradoiro, a 25 de marzo de 2022, en Santiago de Compostela | Fonte: Álvaro Ballesteros - Europa Press.