A soidade nos maiores, aínda máis perigosa no verán

Chega o verán e con él as vacacións, isto debería de resultar positivo pero a verdade é que se está convertendo nun risco para un colectivo en concreto, as persoas maiores que viven sós. A falta de proximidade dos familiares que lles adoitan coidar e as altas temperaturas converten nun perigro a soidade deste colectivo durante os meses de xullo e agosto.

Segundo os datos analizados por SaveFamily en base a informes do INE, España viviu un aumento do 8,7% de poboación maior de 65 anos que vive soa.  O dato que recoñecen que é máis preocupante é que o 44,1% das mulleres maiores de 85 anos viven soas, o que implica unha clara idade de risco. En homes a porcentaxe cae até o 24,2%, especialmente porque o caso de vivir soa nas mulleres adoita deberse á viuvez. En ambas as situacións detectouse un crecemento respecto ao informe anterior. 

Ademais, produciuse un crecemento na porcentaxe de mulleres entre 75 e 84 anos que viven soas, pasando do 34,9% ao 35,1% e confirmando esta tendencia á alza. En conclusión, o estudo elaborado confirma que se pasou de 1.960.900 persoas maiores de 65 anos vivindo soas en 2017 a 2.131.400 en 2020. Un crecemento do 8,7% que no verán cobra maior relevancia. 

Ante tal situación, a chegada das novas tecnoloxías situouse como unha das solucións posibles para manter controlada a saúde dos maiores. Partindo de que cada vez hai máis persoas da terceira idade con coñecementos básicos para usar diferentes tecnoloxías, tamén é maior a conectividade que se instaurou entre dispositivos.  

"A época de verán é unha das máis activas, hai un notable crecemento na adquisición de dispositivos para controlar aos maiores", explica Jorge Álvarez, CEO de SaveFamily e engade que "no último ano a demanda creceu nun 120%". Entre as claves, está a capacidade que poden ter os dispositivos de ter GPS, control da frecuencia cardíaca, tensión arterial ou  osíxeno en sangue. Incluso as caídas pódense detectar, alertando aos encargados da persoa dese incidente.  

Como reflicten as estatísticas, cada vez hai máis persoas maiores de 65 anos vivindo soas en España. E as porcentaxes nas idades máis complicadas, como son a dos maiores de 85 anos, tamén está a crecer nos últimos períodos. Por iso é polo que as novas tecnoloxías deben xogar un papel crave e ser unha ferramenta para manter a salvo aos máis vulnerables das familias.