Galicia ten baixas as reservas de sangue cero negativo
Os hospitais galegos necesitan unhas 500 doazóns de sangue ao día para cubrir as súas necesidades.
Por Europa Press / Redacción | SANTIAGO DE COMPOSTELA | 18/08/2023 | Actualizada ás 12:06
Galicia ten en niveis baixos as reservas de sangue cero negativo, mentres que as da positivo e negativo están normais e o resto en nivel bo.
Así o informou a Axencia de Doazón de Órganos e Sangue (ADOS), nun comunicado no que lembrou que os hospitais galegos necesitan unhas 500 doazóns de sangue ao día para cubrir as súas necesidades.
Para conseguilo, ademais dos puntos fixos de doazón nas sete grandes cidades, as unidades móbiles volverán desprazarse a próxima semana polas catro provincias galegas.
En concreto, o luns 21 estarán en Miño, Carral, Xanceda, Mesía, A Baña e A Coruña, na provincia da Coruña; en Meira (Lugo); na Rúa do Paseo de Ourense; e en Vila de Cruces, Nigrán e Vigo (zona do Calvario), na provincia de Pontevedra.
