Juan Carlos I deixa Sanxenxo sen ver a Felipe VI e desexando quedar a vivir aquí

O rei emérito español Juan Carlos I abandonou España na mañá deste luns, tras unha semana en casa do seu amigo Pedro Campos, en Sanxenxo para gozar da regata que leva o seu nome e sen atoparse co seu fillo, Felipe VI.

Juan Carlos I saíu pouco antes das 9,00 horas de casa do seu anfitrión e chegou ao aeroporto de Vigo sobre as 9,25 horas. Pouco antes das 10,00 horas, o jet privado no que viaxa despegaba do aeródromo vigués con destino a Niza.

Á súa saída de Sanxenxo, o rei emérito, que viaxaba no asento do acompañante do coche de Campos, foi abordado polos xornalistas, que lle preguntaron pola súa estancia en terras galegas. "Moi ben, estupendamente", afirmou Juan Carlos I, antes de dar as grazas "por todo" aos medios. Preguntado sobre se lle gustaría quedar a vivir aquí, respondeu cun conciso "por suposto".

O rei Juan Carlos saúda á súa saída en coche de casa de Pedro Campos cara ao aeroporto de Vigo | Fonte: Europa Press